ཉིན་ཐོ། ༢༠༡༧།༧།༢༦ ཉིན་གུང་ལ་བྲིས།

ཉིན་གུང་ཁ་ལག་ཟོས་ནས་ངལ་གསོ་སའི་ཁང་པའི་ནང་འགྲོ་དུས། རྒན་ལགས་ཀྱིས“དཔེ་དེབ་རྣམས་ཚུར་དབོར་རོགས་བྱོས་དང”ཞེས་གསུངས། ཁོང་གིས་གསུངས་བའི་དཔེ་དེབ་རྣམས་ནི་ཉེ་ཆར་སྦྲག་ཁང་བརྒྱུད་དེ་ང་ཚོའི་ལས་ཁུངས་སུ་འབྱོར་བའི་དཔེ་དེབ་ཀྱི་ཤོག་སྒམ་རྣམས་རེད།

ལོ་འདིར་ཀུན་ཕན་སློབ་གྲྭ་ཡི་སྒོ་བརྒྱབས་པ་དང་། དེའི་ནང་ཡོད་པའི་དཔེ་དེབ་ཐམས་ཅད་ང་ཚོ་སྒྲ་སྒྱུར་གླིང་ལ་གནང་འདུག (རྒན་ལུང་རྟོགས་ཀྱིས་བསླངས་ནས་ཐོབ་པ་རེད་ཟེར།) ང་ཚོའི་ལས་རོགས་བོད་སྲུང་རྡ་སར་ཡོད་པས། ཁོས་དེབ་རྣམས་ཤོག་སྒམ་ནང་ལེགས་པར་བཏུམ་ནས་བསྐུར་འདུག་ཅིང་། ཁྱོན་བསྡོམས་ཤོག་སྒམ་ཉེར་གཅིག་ཡོད་ཟེར།

ཉིན་ཤས་གོང་དུ་འབྱོར་ཞིང་ངལ་གསོ་སའི་ཁང་པའི་ནང་བཞག་པའི་ཤོག་སྒམ་རྣམས་ང་ཚོས་ཁ་ལག་ཟ་སའི་ཐོག་ཁར་དབོར་ཞིང་། དེར་ཕྱིའི་རས་ཐུམ་གཤགས་ཤིང་ཤོག་སྒམ་གྱི་ཁ་ཕྱེ་ནས་དཔེ་དེབ་རྣམས་ལས་ཁུངས་སུ་ཁྱེར།

རྩོམ་པ་པོ།=ཨོ་སི་ཁར་ཝ་ལི་ཏི(Oscar Wilde)

སྒྱུར་པ་པོ།= དཀོན་མཆོག་རབ་བརྟན།

ན་ཆུང་སློབ་མ་ཞིག་གིས་སྨྲེ་སྔགས་ཀྱིས་སྨྲས་པ། ངས་རྒྱ་སེ་དམར་པོ་ཁྱེར་ཡོང་ན་མོས་ང་དང་ལྷན་དུ་ཞབས་བྲོ་འཁྲབ་ཆོག་ཟེར། འོན་ཀྱང་ངའི་ལྡུམ་རྭ་ཧྲིལ་བོའི་ནང་དུ་རྒྱ་སེ་དམར་པོ་རྐང་གཅིག་ཀྱང་མ་མཆིས།

ཁོའི་སྨྲེ་སྔགས་དེ་བེ་དེ་སྡོང་བོའི་སྟེང་གི་ཚང་ནང་དུ་བབས་པའི་བྱིའུ་ཆུང་འཇོལ་མོས་ཐོས་ཤིང་། མོས་ལོ་མའི་གསེབ་ནས་མར་བལྟས་ཏེ་བསམ་གཞིགས་བྱས།

སློབ་མ་དེའི་མིག་ཟུང་མཆི་མས་ཁེངས་ཤིང་མུ་མཐུད་ན་རེ། ངའི་ལྡུམ་རྭ་ཧྲིལ་བོའི་ནང་དུ་རྒྱ་སེ་དམར་པོ་མ་མཆིས། ཀྱི་ཧུད། བདེ་སྐྱིད་ནི་ཅི་འདྲའི་དངོས་པོ་ཆུང་ཆུང་དག་ལ་བརྟེན་པ་ཞིག་རེད་ཨང་། ངས་རྣམ་དཔྱོད་ལྡན་པའི་མཁས་པ་ཚོས་བྲིས་པ་ཡོད་ཚད་བཀླགས་ཤིང་། མཚན་ཉིད་རིག་པའི་གདམས་ངག་མཐའ་དག་ཁོང་དུ་ཆུད་མོད། འོན་ཀྱང་རྒྱ་སེ་དམར་པོ་ཞིག་འདོད་པ་ཁོ་ནས་ངའི་མི་ཚེ་ཉམ་ཐག་པར་བཏང་སོང་།

གོམ་པ་དང་པོ་སྤང་རིའི་ཞོལ་ནས་སྤོས། །
གངས་རིའི་ཉག་ཀའི་རྐང་རྗེས་སོ་ཡང་། །
དུས་འདིར་ད་དུང་ཁ་བས་མ་བསྣོག་པར། །
བདག་གི་སེམས་སུ་ཅི་འདྲ་གསལ་བ་ལ། །

གཙང་ཆབ་སྔོན་མོས་ཁ་ཁོག་མངར་ནས་ཡོད། །
སྤྲིན་དཀར་འཇའ་རིས་ཐོད་ལ་བླངས་ནས་ཡོང་། །
རྒྱང་རིང་རྒྱ་མཚོའི་འགྲམ་གྱི་རྐང་རྗེས་ལ། །
མཚོ་མོའི་བླངས་རིས་ཤུགས་ཀྱིས་ཡོང་བ་རིག །

གངས་རླུང་ཇི་ལྟར་འཚུབ་ཀྱང་འཚུབ་ཏུ་ཆུགས། །
མཚོ་རླབས་ཅི་ཙམ་འཁྲུག་ཀྱང་འཁྲུག་ཏུ་ཆུགས། །
བདག་གི་གོམ་ཆུང་འདེག་པར་མི་ཐོགས་ན། །
གང་གི་རྐང་རྗེས་ནོག་པར་ཅི་ཕྱིར་འཇིགས། །

"ཨོ་ཡེ། རིན་ཆེན་ཡིན་ནམ། ང་ཨེ། ཅི་རེད། ད་ནི་ངའི་སྐད་ངོ་ཡང་ཆོད་ཀྱི་མི་འདུག་གམ། ཧ་ཧ་ཧ། ཡིན། བདེ་མོ་སྐྱིད་པོ་ཡིན། ཁྱོད་ཚོ་ཚང་མ་བདེ་མོ་འཚམས་པོ་ཨེ་ཡིན། དེས་ན་འགྲིག་འདུག དེ་ལས་ཡག་པ་དང་སྐྱིད་པ་ཞིག་ཅི་ཡོད། ཨོ་ཡེ། ཨོ་ཡེ། སག་སྒྲ་འདིས་ཡག་པོ་ཞིག་གོ་རུ་འཇུག་གི་མི་འདུག ཨོ་ཡེ། ད་ཏོག་ཙམ་ཡག་ཏུ་ཕྱིན་སོང་། ད་ལྟ་ཨེ། རྡ་རམ་ས་ལ་ཞེས་པའི་ས་ཆ་དེར་ཡོད། རེད་རེད། ཁོང་གི་བཞུགས་སྒར་རེད།

དེ་རིང་ཞོགས་པར་ཁྱིམ་མཚེས་རྒན་པོ་དེས་ཅི་ཞིག་གི་ཕྱིར་དུ་སོ་སོའི་བུ་མོ་ལ་དྲག་ཏུ་སྡིགས་མོ་བྱེད་པ་དང་། བུ་མོ་དེས་ཆོ་ངེ་འདེབས་པའི་སྒྲ་དེ་སྒེའུ་ཁུང་བརྒྱུད་དེ་ངའི་རྣ་བར་ལྷུང་བས། ངས་ཀྱང་ལོ་ངོ་དུ་མའི་གོང་དུ་ཨ་ཕས་ཨ་ཅེ་ལ་སྡིགས་མོ་བྱས་ནས་ཕྱི་ལ་ཕུད་པའི་གནས་ཚུལ་དེ་དྲན་བྱུང་། དེ་དུས་ང་རང་ལོ་ན་བཅུ་གཉིས་ཙམ་ཡིན་ཞིང་། ཤང་དུ་སློབ་གྲྭར་སྐྱོད་བཞིན་ཡོད། 

གཟའ་སྤེན་པ་བསླེབས་བྱུང་། ཞོགས་པའི་སློབ་ཐུན་འཚོག་ཏུ་མ་ཕྱིན་སྔོན་ལ། ངས་གྲོགས་པོ་བསོད་དར་ལ་ཁ་པར་བཏང་ནས་ཕྱི་དྲོར་ཡར་རྡ་སར་ཡོང་སྟེ་གཟའ་མཇུག་ཁོའི་ཁྱིམ་དུ་སྐྱེལ་འཆར་ཡོད་པའི་སྐོར་བཤད། ཞོགས་པའི་སློབ་ཐུན་རྣམས་རེ་རེ་བཞིན་སྐད་ཅིག་གིས་རྫོགས་སོང་ལ། གུང་ཟས་ཟོས་ནས་སློབ་གྲྭའི་ཁོར་ཡུག་གཙང་མ་བགྱིས་རྟིང་གཟའ་མཇུག་གི་གུང་གསེང་དངོས་སུ་འགོ་ཚུགས།

མེ་འཁོར་ཆག་སྒྲ་ཁོབ་སྒྲ་དང་བཅས་རྒྱུན་ཆད་མེད་པར་ཡོམ་ཡོམ་གཡོ་བཞིན་རྒྱུ། འཁོར་སྒམ་ནང་བོད་པ་ང་མ་གཏོགས་རྒྱ་གར་བ་ཞེ་གཅིག་ཡིན་པས། ང་རང་སོ་སོའི་ཉལ་ཁྲི་དོག་མོའི་སྟེང་དུ་ཁ་པར་རྩེ་བ་དང་། གློག་བརྙན་ལྟ་བ། གྲོགས་མོ་ཞང་ཞུང་གིས་ལེགས་སྐྱེས་སུ་སྟེར་བའི་<<མནའ་མ་ལས་ངན་མ>>ཡི་སྒྲུང་ཐུང་རེ་ཀློག་པ་སོགས་བྱས་ནས་བསྡད་ཡོད། འདི་ལྟར་གཅིག་པུར་མེ་འཁོར་ནང་འགྲོ་བ་དེ་ཡང་བདེ་སྐྱིད་ཅིག་རེད་དེ། རང་གིས་དཔེ་ཀློག་བྱེད་འདོད་ན་དཔེ་ཀློག་བྱེད་པ་དང་། གློག་བརྙན་ལྟ་བསམ་ན་གློག་བརྙན་ལྟ་བ།

དཀོན་མཆོག་རབ་བརྟན། 

(འཇིག་རྟེན་སྟེང་གི་མི་རེ་རེ་ལ་སྐྱིད་སྡུག་གི་གཏམ་རྒྱུད་མི་འདྲ་བ་རེ་རེ་ཡོད།)

"གནའ་སྔ་མོ་སྔ་མོ་ཞིག་ལ་འཇིག་རྟེན་འདིར་ཉི་མ་བདུན་དང་ཟླ་བ་བདུན་ཡོད་པ་དང་། མུན་ཟེར་བ་ཞིག་གཏན་ནས་རུབ་རྒྱུ་མེད།" དུས་རྒྱུན་ལྟར་ཨ་མ་སྒྲོལ་མས་རང་གི་བྱིས་པ་གཉིས་ལ་གཏམ་རྒྱུད་ཅིག་ཤོད་འགོ་བརྩམས། དོ་ནུབ་ཟླ་བ་མེད་པས་ཁོ་མ་སྨད་ཚོའི་ཁང་ཆུང་ནང་སྨག་རུམ་གྱིས་ཁེངས་ཡོད་པ་ལས་སྲིན་བུ་མེ་འཁྱེར་གྱི་འོད་ཙམ་ཡང་མ་མཆིས། འདི་ལྟ་བུའི་མཚན་མོར། ཁྱིམ་མཚེས་ཚོའི་མཆོད་སྒྲོམ་སྟེང་སྤར་བའི་སྒྲོན་མེའི་འོད་ཟེར་ལ་ཟླ་བ་ཤར་བའི་མཚན་མོ་ལས་ལྷག་པའི་གསལ་ཆ་ཞིག་ལྡན་ཞིང་།

༢༠༡༥ ལོའི་དགུན་ཁའི་དགོང་ཁ་དེར། རྒྱ་གར་བྱང་ཕྱོགས་ཧེ་མ་ཅཱལ་མངའ་སྡེའི་རྡོ་ལ་རྡའི་རི་ལྡེབས་སུ་ཆགས་པའི་རྡ་སའི་རི་གྲོང་ནི་ཅུང་རྒྱུན་ལྡན་ལྟར་སྣང་སྟེ། ནུབ་ཁའི་ཉི་ཟེར་དམར་པོའི་འོག་ཏུ་རྡོ་ལ་རྡའི་རི་རྩེར་ཆགས་པའི་གངས་རྙིང་དང་། རི་མགུལ་གྱི་བྲག་རི་སྐྱ་བོ། རི་རྐེད་ཀྱི་འཚང་ཁའི་ཐོག་བརྩེགས་དག་གི་གྱང་སེར་བོ། དེ་བཞིན་ཐོག་བརྩེགས་དག་གི་ཐོག་ཁར་ཐེན་པའི་དཀར་སེར་དམར་སྔོའི་དར་ལྕོག་དང། གངས་སེང་རྟགས་ཅན་གྱི་རྒྱལ་དར་སོགས་མིག་ལམ་དུ་མངོན་ཚད་ལ་དམར་རྩི་བྱུགས་པ་བཞིན་དམར་ཤིག་གེར་སྣང་ལ། མཐའ་ན་གུ་དོག་པའི་སྲང་ལམ་ཐོག་ཡར་འགྲོ་མར་ཡོང་བྱེད་ཀྱིན་པའི་མི་རྣམས་ཀྱི་ངོ་གདོང་དང་།