སོས་དྷ་མར་ཏྲིས (Sudha Murty) བརྩམས།

རང་ཐར་གྱིས་བསྒྱུར།

ང་རང་ལོ་ངོ་བཅུ་གཉིས་ཙམ་ལ་སོན་པའི་བུ་མོ་ཞིག་ཡིན་དུས། སྤོ་བོ་ལགས་དང་རྨོ་བོ་ལགས་གཉིས་ཀྱི་གང་དུ་ཁཱ་ན་ཏྲི་ཀ་ཡི་བྱང་ཕྱོགས་སུ་ཆགས་པའི་གྲོང་གསེབ་ཅིག་ཏུ་འདུག་མྱོང་ཡོད། སྐབས་དེ་དུས་འགྲིམ་འགྲུལ་ལམ་ཁ་ཧ་ཅང་ལེགས་པོ་མེད་སྟབས། ང་ཚོ་ལ་ཞོགས་པའི་ཚགས་ཤོག་ཉིན་གུང་གཞི་ནས་རག་པ་དང་། བདུན་རེའི་དུས་དེབ་ཀྱང་ཉིན་གཅིག་རྗེས་སུ་ལུས་ནས་འབྱོར་གི་ཡོད། ང་ཚོ་ཚང་མས་རེ་བ་ཆེན་པོས་ཚགས་ཤོག་དང་། བདུན་རེའི་དུས་དེབ།ད་རུང་སྦྲག་ཁང་གི་ཅ་དངོས་བཅས་ཁུར་ནས་ཡོང་བའི་སྤྱི་སྤྱོད་རླངས་དེར་སྒུག་མྱོང་།

ཨ་ལིག་ཛན་ཌར་གྱི་ཆེས་མཐའ་མཇུག་གི་རེ་བ་གསུམ། 

(སྤྱི་ལོའི་སྔོན་གྱི་ལོ 356-323)

རྒྱལ་པོ་ཨ་ལིག་ཛན་ཌར་གྱིས་རྒྱལ་ཁམས་དུ་མ་མངའ་འོག་ཏུ་བསྡུས་རྗེས་ཕྱིར་རང་ཡུལ་དུ་ལོག་བཞིན་ཡོད། ལམ་བར་དུ་ཁོང་ལ་སྙུན་གཞི་བཞེས་ནས་འཆི་ཁར་ལྷུང་། འཆི་བདག་གི་གཤེད་མས་ཁོང་གི་ངོ་གདོང་ལ་ཅེར་ནས་ཡོད་པའི་སྐབས་དེར། ད་གཟོད་རྒྱལ་པོ་ཨ་ལིག་ཛན་ཌར་གྱིས་སོ་སོའི་དབང་སྒྱུར་གྱི་རྒྱལ་ཁ་དང་། སྟོབས་ཆེན་གྱི་དམག་དཔུང་། རྣོ་ངར་གྱི་རལ་གྲི། ད་རུང་རྒྱུ་དང་འབྱོར་བ་ཡོད་ཚད་ཅི་འདྲའི་དོན་སྙིང་དབེན་པ་རྟོགས། སྐབས་དེར་ཁོང་ལ་ཕ་ཡུལ་དུ་ལོག་སྟེ་ཨ་མའི་ཞལ་མཇལ་རྗེས། ཁོང་ལ་ཆེས་མཐའ་མའི་གྱེས་ཕྱག་འབུལ་བའི་འདུན་པ་དྲག་པོ་སྐྱེས་མོད། འོན་ཀྱང་ཇེ་ལུད་དུ་འགྲོ་བཞིན་པའི་སྙུན་གཞི་དེས་ཁོང་ཐག་རིང་གི་ཕ་ཡུལ་ལ་སླེབ་ཏུ་མི་འཇུག་པའི་གནས་སྟངས་དེ་ཁོང་གིས་དང་ལེན་མི་བྱེད་རང་བྱེད་རེད། དེ་བས་སྟོབས་དབང་གིས་ཕྱུག་པའི་རྒྱལ་པོ་ཁོང་ཞལ་མདོག་སྐྱ་བོར་གྱུར་ནས་ཉལ་ཡོད་ལ། རེ་ཟད་ངང་ཆེས་མཐའ་མའི་དབུགས་རྒྱུན་ཆད་རྒྱུར་བསྒུགས།