-
མདུན་ངོས།
- སྒྱུར་རྩོམ།
སྒྱུར་རྩོམ། (6)
རང་ཐར་གྱིས་བརྩམས།
ཁྱི་ཟུག་པའི་སྒྲ་ཇེ་ཆེར་གྱུར་དུས། མོས་ཁོ་ཡིན་པ་ཤེས། ལྷས་མཐར་ཉལ་བའི་མོས་མ་ནེ་ཕྱར་བའི་གོ་ངར་གཏུགས་ནས་སྐར་མ་འོད་ཆེམ་ཆེམ་འཕྲོ་བའི་མཚན་མོའི་ནམ་མཁར་ཅེར་ནས་ཡུན་རིང་ཁོ་ལ་བསྒུགས། རྒྱུན་པར་ཁོ་མ་ཡོང་སྔོན་དུ། མོ་ལ་གཉིད་ཐུན་གཅིག་ཁུགས་འགྲོ་ལ། ཁྱིའི་ཟུག་སྐད་ཀྱིས་སད་དུ་བཅུག་པ་ན། ད་གཟོད་ཁོ་ཐོན་ཡོད་པ་ཤེས་ཀྱི་ཡོད།
རྩོམ་པ་པོ ཧན་ཌར་སན།
སྒྱུར་མཁན། རང་ཐར།
དེ་ནི་གྲང་ངར་ཤིན་ཏུ་ཆེ་བའི་དགོང་མོ་ཞིག་རེད། ཁ་བ་ལྷབ་ལྷུབ་ཏུ་བཞུར་ཞིང་ཧ་ལམ་ས་རུབ་ལ་ཉེ།
དེ་ནི་ལོ་དེའི་ཆེས་མཐའ་མཇུག་གི་དགོང་མོ་རེད། གྲང་ངར་དང་མུན་པ་དེའི་ཁྲོད་དུ་མགོ་ལ་ཞྭ་མེད་ཅིང་རྐང་ལ་ལྷམ་བྲལ་བའི་བུ་མོ་ཆུང་ཆུང་ཞིག་སྲང་ལམ་རྒྱུད་དེ་ཕྱིན། མོ་ཁྱིམ་ནས་དོན་དུས་བསིལ་ལྷམ་ཆ་ཞིག་གྱོན་ཡོད་པ་བདེན་མོད། འོན་ཀྱང་དེས་ཕན་ཅི་ཞིག་ཐོགས་སམ། བསིལ་ལྷམ་ཆ་དེ་ནི་མོའི་ཨ་མས་ད་བར་གྱོན་པའི་བསིལ་ལྷམ་ཧ་ཅང་ཆེན་པོ་ཞིག་རེད་ལ། དེ་ཤིན་ཏུ་ཆེ་དྲགས་པའི་སྟབས་ཀྱིས་ཉམ་ཐག་པའི་བུ་མོ་དེས་སྲང་ལམ་འཕྲེད་དུ་མྱུར་སྟབས་ཀྱིས་བརྒལ་སྐབས་བོར་ཕྱིན། རྒྱུ་མཚན་ནི་སྐབས་དེར་ཤིང་རྟ་འཁོར་ལོ་གཉིས་རིངས་པར་རྒྱུགས་ནས་མོ་བརྫི་གྲབས་བྱས་པས་རེད།
རྩོམ་པ་པོ།=ཨོ་སི་ཁར་ཝ་ལི་ཏི(Oscar Wilde)
སྒྱུར་པ་པོ།= དཀོན་མཆོག་རབ་བརྟན།
ན་ཆུང་སློབ་མ་ཞིག་གིས་སྨྲེ་སྔགས་ཀྱིས་སྨྲས་པ། ངས་རྒྱ་སེ་དམར་པོ་ཁྱེར་ཡོང་ན་མོས་ང་དང་ལྷན་དུ་ཞབས་བྲོ་འཁྲབ་ཆོག་ཟེར། འོན་ཀྱང་ངའི་ལྡུམ་རྭ་ཧྲིལ་བོའི་ནང་དུ་རྒྱ་སེ་དམར་པོ་རྐང་གཅིག་ཀྱང་མ་མཆིས།
ཁོའི་སྨྲེ་སྔགས་དེ་བེ་དེ་སྡོང་བོའི་སྟེང་གི་ཚང་ནང་དུ་བབས་པའི་བྱིའུ་ཆུང་འཇོལ་མོས་ཐོས་ཤིང་། མོས་ལོ་མའི་གསེབ་ནས་མར་བལྟས་ཏེ་བསམ་གཞིགས་བྱས།
སློབ་མ་དེའི་མིག་ཟུང་མཆི་མས་ཁེངས་ཤིང་མུ་མཐུད་ན་རེ། ངའི་ལྡུམ་རྭ་ཧྲིལ་བོའི་ནང་དུ་རྒྱ་སེ་དམར་པོ་མ་མཆིས། ཀྱི་ཧུད། བདེ་སྐྱིད་ནི་ཅི་འདྲའི་དངོས་པོ་ཆུང་ཆུང་དག་ལ་བརྟེན་པ་ཞིག་རེད་ཨང་། ངས་རྣམ་དཔྱོད་ལྡན་པའི་མཁས་པ་ཚོས་བྲིས་པ་ཡོད་ཚད་བཀླགས་ཤིང་། མཚན་ཉིད་རིག་པའི་གདམས་ངག་མཐའ་དག་ཁོང་དུ་ཆུད་མོད། འོན་ཀྱང་རྒྱ་སེ་དམར་པོ་ཞིག་འདོད་པ་ཁོ་ནས་ངའི་མི་ཚེ་ཉམ་ཐག་པར་བཏང་སོང་།