ཀ་ལོ་ཁོས་མ་ལ་ཡི་ཇ་ཤིང་གཞིས་ཀ་ནི་རྒྱ་གར་ལྷོ་ཕྱོགས་ཏ་མིལ་ན་ཏུ(Tamil Nadu)མངའ་སྡེའི་ནང་ཆགས་ཡོད་ཅིང་། མཐོ་ཚད་ལ་རྒྱ་མཚོའི་ངོས་ནས་རྨིད་7,130ཡོད། འདི་ནི་འཛམ་གླིང་ནང་གི་ཇ་ཤིང་གཞིས་ཀ་ཆེས་མཐོ་ཤོས་དེ་ཡིན་པར་གྲགས་ལ། མཁའ་དབུགས་ཀྱི་མཐོ་ཚད་ལ་བརྟེན་ནས་འདིར་སྐྱེས་པའི་ཇ་ལ་དམིགས་བསལ་གྱི་བྲོ་ཞིམ་ལྡན་པར་བཤད།  ཀ་ལོ་ཁོས་མ་ལ་ཡི་སྙན་གྲགས་འཛམ་གླིང་དུ་ཁྱབ་གདལ་གཏོང་མཁན་ནི་དེར་སྐྱེས་པའི་ཇ་ཤིང་ཁོ་ན་མ་ཡིན་ཏེ། ས་དེའི་རང་བྱུང་ཁོར་ཡུག་གི་མཛེས་སྡུག་ནི་རྒྱ་གར་ཙམ་མ་ཟད། འཛམ་གླིང་ཧྲིལ་བོའི་ནང་སྐད་གྲགས་ཆོད་འདུག ལྷག་པར་ཞོགས་པའི་ཉི་མ་གསར་དུ་འཆར་བ་དང་། དགོང་ཁའི་ཉི་མ་རྒས་པའི་རྣམ་པ་ནི་ཕུལ་དུ་བྱུང་བའི་རི་མོ་བ་ཞིག་གི་སྒྱུ་རྩལ་བརྩམས་ཆོས་དཔེ་མེད་ཅིག་དང་གཉིས་སུ་མ་མཆིས།