གྲོང་ཚོ་ཆུང་ཆུང་ཞིག་ན་དབུལ་ཞིང་ཕོངས་པའི་མི་ཞིག་ཡོད། ཁོའི་ཨ་མ་རྒན་མོ་ཞར་བ་ཡིན་པའི་ཁར་ཆུང་མ་ལ་ཕྲུ་གུ་སྐྱེ་བའི་ནུས་པ་མ་མཆིས། ཁོས་སོ་སོའི་ཁྱིམ་ཚང་ཁ་གསོ་བའི་ཆེད་དུ་ཉིན་ལྟར་གྲོང་ཚོའི་ཉེ་འགྲམ་དུ་ཆགས་པའི་མཚོ་མོ་ཆུང་ཆུང་དེར་ཕྱིན་ནས་ཉ་འཛིན་གྱི་ཡོད། ཉིན་ཞིག་ལ་ཁོས་ཉ་ཆུང་གཟུགས་དབྱིབས་ཡ་མཚན་ཆེ་བ་ཞིག་བཟུང་།

མདང་དགོང་ཡང་བཟོད་དཀའ་བའི་ཕོ་བའི་ན་ཟུག་དང་མི་བདེ་བ་དེས་ནོར་བུའི་གཉིད་བཅག་སྟེ་དཀའ་ངལ་ཆེན་པོ་སྟེར་བས། ཁོས་སོ་སོའི་ཉལ་ཁྲིའི་སྟེང་དུ་ཕར་ལོག་ཚུར་ལོག་བྱེད་བཞིན་བསམ་གཞིགས་སྣ་ཚོགས་བྱེད་དགོས་བྱུང་། “མངོན་མེད་ཀྱི་ནད་ངན་འདི་ལས་རྐང་ལག་གང་རུང་ཞིག་ཆག་ན་བཟང་ཨང་། མ་མཐའ་ཡང་མི་གཞན་གྱིས་ང་རང་ན་ཡོད་པ་ཤེས་ཏེ་གདུང་སེམས་འཆང་སྲིད་པ་དང་། ད་དུང་དྲག་སྐྱེད་ཀྱང་ཡོང་རྒྱུ་ཡོད་པ་ཞིག་རེད།